નવી દીલ્હી: ભારતીય ક્રિકેટ કંટ્રોલ બોર્ડ (બીસીસીઆઈ)ની લોકપાલ કમિટીએ હાર્દિક પંડ્યા અને કેએલ રાહુલ પર એક ટીવી શોમાં મહિલાઓને લઈને કરેલી વાંધાજનક ટિપ્પણી બદલ 20-20 લાખ રૂપિયાનો દંડ ફટકાર્યો હતો. બીસીસીઆઈન લોકપાલ પ્રમાણે આ બંને ખેલાડીઓ એક એક લાખ રૂપિયા 10 શહિદ પેરા મિલિટરી ફોર્સના કોન્ટેબલના પરિવારજનોને આપશે, જ્યારે આટલી જ રકમ બ્લાઈંડ ક્રિકેટ માટે આપશે.
બંને ખેલાડીઓએ આ રકમ 4 સપ્તાહની અંદર જમા કરાવવાના રહેશે. બીસીસીઆઈના લોકપાલે એમ પણ કહ્યું હતું કે, હાર્દિક અને કેએલ રાહુલ તરફથી આ રકમ નિર્ધારીત સમયમાં જમા ના કરાવવામાં આવી તો બીસીસીઆઈ આ રકમ તેમની મેચ ફીમાંથી કાપી શકે છે.